Засгийн газар Захиргааны шүүх дээр уналаа. Биеийн тамир, спортын газрын дарга Ч.Наранбаатарыг ажлаа муу хийгээд байхаар нь С.Ламбаа сайд халах санал оруулж, Засгийн газраар батлуулаад ажилгүй болгочихож. Тэгсэн өнөө нөхөр гомдол мэдүүлж, Засгийн газрыг шүүхджээ.

Энэ “онц ноцтой” хэргийг дөнгөж саяхан Захиргааны анхан шатны шүүхийн хурлаар авч хэлэлцээд, Засгийн газар үндэслэлгүйгээр “хөөрхий амьтныг” ажлаас халж, “ноцтой хохироосон байна”, энэ алдаагаа нэн даруй залруул гэсэн утга бүхий шийдвэр гаргасан байна.