-Түүнийг албан тушаалаа өгнө гэсэн мэдээллийг холбогдох албаныхан үгүсйгэж байна-

Улсын ерөнхий прокурор М.Алтанхуягийг албан тушаалаасаа чөлөөлөгдөх хүсэлтээ Ерөнхийлөгчид хүргүүлсэн тухай ид шуугьж байна. Ерөнхийлөгчийн Тамгын газраас  эх сурвалжтай гэх эл мэдээллийг Улсын ерөнхий прокурорын орлогч Б.Цэрэнбалтав үгүйсгэж байна. Бүхий л өдөр тутмын хэвлэлүүдэд зэрэг өгсөн гэдэг утгаараа хэн нэгний, ялангуяа АН-ынхны нисгэсэн бор шувуу гэх хардлага ч явж байгаа аж. М.Алтанхуяг прокурор БНСУ-д эмчлүүлэхээр яваад удаагүй байхад нь энэ мэдээлэл цацагдсан аж. Тэрээр өмнө нь Ерөнхийлөгч Ц.Элбэгдоржтой уулзахдаа “Томилгооны хугацаа ирэх 2010 онд дуусгавар болно. Гэхдээ түүнээс наана албан тушаалаасаа чөлөөлөгдөх хүсэлтээ гаргах бодолтой байгаа” хэмээн цухуйлгаж байжээ. Энэ талаар УЕПГ-ын Олон нийттэй харилцах албанаас тодруулахад, “Сонин хэвлэлээр яригдаад байгаа зүйл бодит үнэнд нийцэхгүй. Ташаа мэдээлэл” хэмээн үгүйсгэлээ. Энэхүү мэдээллийг сонссон М.Алтанхуяг прокурор яаравчлан Монгол руу хөдөлсөн гэнэ. Тэрээр ирэх даваа гаригт ажилдаа орох бөгөөд энэ талаархи үнэн зөв мэдээллийг нийтэд хүргэх аж. 

У.Шагай