Өнгөрсөн өдрүүдэд нийт нутгаар салхи тогтуун, хур тунадас нэмж ороогүй ч Увс аймгийн  Тэс суманд 47 хэм, Улаангом суманд 43 хэм, Завхан аймгийн Баянтэс, Тосонцэнгэл суманд 42 хэм хүрч хүйтэрсэн байна. Үүний улмаас гурван хүн осгож амиа алдсаны дотор “Тас петролиум”  компанийн захирал байсан харамсалтай явдал гарчээ. Ирэх өдрүүдэд хүйтний эрч сулрах төлөвтэй байгаа ч иргэдийг тайвшрахгүй байхыг ОБЕГ-аас анхааруулсан байна. Энэ сарын 26-27-нд зарим газраар, зүүн зүгийн нутгийн зарим газраар цас орж, салхи 16-18 метр секунд хүрч  ширүүсч, цасан шуурга шуурах аж. Харин бусад нутгаар шөнөдөө 15-20 хэм, өдөртөө 5-10 хэм хүйтэн байх аж. Өнөөдрийн байдлаар цасан шуурганаар сураггүй болсон арав гаруй хүнийг эрж хайх ажил үргэлжилж байна. Тэднээс Сүхбаатар аймгийн төвөөс Дарьганга сум руу нэгдүгээр сарын 23-ны 19 цагийн орчимд УАЗ-469 автомашинтай зургаан хүн яваад сураггүй болжээ. Энэхүү мэдээллийн мөрөөр аймгийн Онцгой байдлын хэлтсээс таван хүний бүрэлдэхүүнтэй эрлийн хэсэг гарч ажилласнаар тэднийг Дарьганга сумаас эсэн мэнд олсон байна. Бусад хүнийг эрэн хайх ажиллагаа үргэлжилж байгаа аж.

У.Шагай