Ханиад хүрээд үхэхнээ. Хамар шуухитнаад, хоолой сөөгөөд халуун зунаар муугаа үзэж байнаа. Бороонд норцымоо. Гэртээ орсон чинь бандаг хүртэл норцон. Оймс угаацан юмшиг шалчийцан, гутал шиврэндээ тэрүү хужиртаад цагаан судал татчихсан гишгих тоолонгоор ширр ширр гэж дуграад утгагүй гар орж ирсээн. Гүү гэр юм чинь яахав дээ хүн амьтан харах биш бүх юмаа тайлж шидээд дээл нөмрөөд хэвтээд өгнө биздээ. Тэрний өмнө тэр дэлгүүр яаваа.

Бүүр шалчийтлаа норцон амьтан гэрийнхээ тэнд дэлгүүрт орж байлаашд аан. Нус нь сугартлаа гоожцон өмдний шуумаг нь шалаар нь нэл чирэгдцэн өмдөө татаад бээвийгээд чичэрч байснаа “Т т тамхи авахсын ах нь” гээд байгаамаа. Үйлчлэгч хүүхэн нь шал арчиж байснаа надруу муухай харж ч байх шиг. Тэгээд хармаанаасаа шал норсон зуун төгрөг гаргаж ирсэнээ тэнийлгэж бариад байнаа. Ёооё гарсанаа тамхиа асаагаад татаад байнаа. Тэхдээ гоё байлээ тэгэж их даарсан гэхэд. Дэлгүүр орох явцад баларсышд бүүр.

Шал норцон хүн чинь жоохон салхи гарахаар л хөлдөж үхчихгээд ээрч муураад сүйд болдийн байна. Бүүр салхи гараагүй зоонтогтой нэг өндөр хүүхэн зөрөөд өнгөрсөн чинь л ээггггг гээд үхгэж байшд. Хүн харвал гайгүй хүүхэн хараад үхэхнээ гэж бодхоор байгаа байхгүй юу. Яс юман дээр ах салхинд нь цохиулаад үхгэж байгааг энэ хүмүүс ойлгохгүй л дээ. Юмыг гаднаас нь дүгнэх ийм харалган муухай. Хүмүүсийн энэ балиар хандлагыг мэддэг болхоор би өмнө хажуугаар хүн амьтан машин тэрэг өнгөрөх бүр д худлаа хоёр мөрөө өргөөд, даараагүй нэг муу том цээжтэй хүн болох гэж хичээгээд байгаамаа чаавас. Машин өнгөрөнгүүт биеийн өндөр 20 санжаар намсаж бээвийж бөгтийсөн юм болжээсэн байхдаа хөөрхий би.

Гүү тэгээд дааралт дээр норолт нэмэгдэхээр чинь балардын байлээ. Сүүлдээ хоргодочихоор ч газаргүй хөдөө хээр шахуу гэр ажилтай хүн чинь аргаа бараад уйлмаар санагдсышд. Ийм авралгүй хорвоо гэж байдагаа гээд уйлмаар санагдаад байж билээ. Байнга ч уйлчих гээд байгаагүймаа. Яг өмнө нь дуулхын бол дулаацдаг байх гэсэн өвчигнүүр бодол толгойд орж ирээд нэг хэсэг газар дуулж үзэв. Тэр нь америкийн борооноор дуулсан нь гэдэг киног үзсэнтэй минь холбоотой.
Амуу тариа найгсаан
Айргын аамт нь чимчгэнсээн
Алтан намрын өөнгө юмаа хөө хө гэхдээ аваачааад эрүү чичрээд дулаацсан ч юмгүй сонин сөөнгөтсөн хоолойгоор дуусаад байхын. Тэхдээ яг тэр хоолойг хипхопоор дуулвал ашиглавал сүртэй л болхым шиг байлээ. Тэхдээ тийм хувцастай дуулвал болохгүй байх л даа. Тэр кинон дээр яаж тэгэж даараагүйм шиг дуулаад байсын болоо.

Бороонд үхтэрээ нороод ирхээр чинь нэг муу нингэн сороочогон цамц хамаг бие бариад эхний ээлжэнд даарсан биен дээр хөхний товч сэрийгээд цамцны цаанаас илт мэдэгдээд ирдийн байлээ. Тэгсэнээ цаашаа гүзээ бариад овоо цамцаар гэдсээ далдалчаад байсан бүүр утгаа алдсан заваан юм болдын байлээ. Цамц бие барих чинь бас ч гайгүй их норвол бүүр бөгсний завсраар ороод ирхээр хувцас өмсдөгүй байсан үеийн өвөг дээдэстээ атаархахад хүргэмээр юм билээ. Атаархахын өмнө бол цоглог байлаашд.

Ус болгон дээгүүр харайгаад харваас олон улсын хөнгөн атлетикийн гурвын харайлтын аварга юм уу эсүүл бүүр арвын харайлтыг ч нам авхаар олон угсруулж харайж барьжээлаа шүү дээ. Алцаг алцаг гээд гутал муталаа норгочихгүй гээд их л сүртэй хар хүн байж дээ. Хажуугаар өнгөрөх машины цацарсан уснаас бултаж байгаа нь аргагүй л багадаа чулуугаар байлдаж өссөн хүний шинжийг агуулж байлаа.

Энэ ч юу ч биш. Энэнээс цоглог байсан үе байна. анх ажлаас гархад гадаа бороо ороод байна шүү дээ гэх хүмүүсийн өөдөөс залуу насаараа цув хийж явдаг толгой. Залуу хүн бороо байтугай юунаас ч айх хэрэггүй. Залуу насны босгыг алхаад охид хүүхнүүдийг тэрэгээр дайраад няцлаад байдаг гэж Чойном агсаны шүлгийг уншаагүй юм таануус ч гэх шиг их томорсымаа. Маргааш нь хамрын нүх нь нусандаа түлэгдчихээд үхтэрээ тэргэнд дайруулцым шиг болоод ороод ирнэ гэж яаж мэдэх вэ дээ. Тэхдээ л би борооноор дуулсан шүү. Бүгд л борооноор дуулах хэрэгтэй.

БОРООНООР ДУУЛСАН НЬ

Сэтгэгдэл (0)