Тестийг уншихын өмнө бөглөнө. Бэлэн хариултуудаас аль тохирохыг сонгон өмнөх дугаарыг дугуйлна. Бие биенээсээ хуулбарлахыг хориглоно. 90-ээс дээш оноо авсан этгээдэд жолооны үнэмлэх олгоно. Хэрэв 102,5-аас дээш оноо авбал жолоодогчийн сертификат өгнө.

1. Энхбаярыг яах гэж барьсан бэ?

А. Ямар оймс өмсдгийг нь харуулах
В. Манайд маш олон цагдаа байдгийг зурагтаар үзүүлэх
Г.  Хоригдлуудад буддын ном заалгахаар
2. Энхбаяр баригдахдаа яагаад хөлөө гозойлгов?

А. Оймсны компаниас сурталчилгааны мөнгө авсан
В. Хөлийнхээ хуруугаар салаавч хийж чаддагаа харуулах
Г. Энхбаярыг зугтааж магадгүй гэж үзээд бүх гутлыг нь хураасан учраас
Д.Тэр угаасаа саналаа өгөхдөө гараа биш хөлөө өргөдөг байсныг нь манайхан сая мэдэж байгаа.
Е. Харааны хуурамч үзэгдэл. Бид гарыг нь хөл гэж харсан.

3. Баривчилгаа яагаад удаан болов?

А. Тэнд байсан цагдаагийн ажилтнууд цөмөөрөө зурагтаар гарахыг хүссэн учраас
В. Алдар хүнд их байхын хэрээр баривчилгаа удаан байдаг гэж ёслолын хэлтэс зааварласан. Ерөнхий сайд байсан бол 1 цаг, УИХ-ын дарга байсан бол 2 цаг, Ерөнхийлөгч байсан бол 3 цаг барьдаг протоколтой. Тэрээр эдгээр бүх албан тушаалд байсан учраас баривчилгаа 6-аас дээш цаг үргэлжилжээ.
Г. Тэр үед цаг хугацааны суналт болсон

4. Энхбаярыг суллуулах хөдөлгөөн өрнөн гарын үсэг цуглуулж байна. Ямар нөхцөлд гарын үсгээр сулладаг вэ?

А. 801 хүний гарын үсэг хангалттай.
В. 7 тэрбум гарын үсгийг хүчинтэйд тооцно
Г. Чингэс хааны гарын үсэг байхад л хангалттай.

5. Энхбаярыг аврах гэсэн ойлголт үүслээ. Хэн түүнийг аварч чадах вэ?

А. МАХН
Б. МАН-МАХН хоёр
В. Арнольд Шварцнеггер

6. Баривчилгааны үед яагаад айл андуурсан ба дараа нь уучлал гуйсны учир юу  бэ?

А. Цагдаагийнхан хэнийг барихаа сайн мэдээгүй очсон
Б. Цагдаагийнхан уучлалт гуйдаг болсныг харуулахаар зориуд тэгсэн
Г. Андуурал нэгээр зогсоогүй. Дөрвөн ширхэг Энхбаяр саатуулагдсны гурав нь хүчингүйд тооцогдож гэртээ харьсан.
Д. Ховсдуулсан

7. Баривчилгааны үеэр УИХ-ын гишүүд, улс төрчид олноороо очсны учир юу вэ?

А. Олон хүн харагдахаар нь очиж үг хэлмээр санагдаад тэсээгүй.
В. МАХН-нд даргын орон тоо гарах гэж байгааг анзаарсан
Г. УИХ-ын чуулгантай эндүүрсэн
Д. Тэднийг “хамтдаа сууя” гэж урьсан.

8. Энхбаярыг баривчлах үед Улаан гишүүн тэнд яах гэж байсан бэ?

А. Туулын голд хүн живж байж ч магадгүй гээл аврахаар очтол ширгэсэн байсан тул ганзага хоосон буцахдаа таарсан
В. Төмөр ахаа, намайг бодоорой гэж захих гэж
Г. Угаасаа тэр хоёр хамтран амьдарч байгаа

9. Энхбаярыг баривчлах үеэр Шинэбаяр гишүүнийг яагаад дивантай эвхсэн бэ?

А. Шинэбаяр гишүүн тэнд угаасаа эвхээстэй очсон
В. Энхбаярыг эзгүйчлэн гэрт нь байж байсан. Тэгээд ирмэгц нь диван дотор орж нуугдсныг тусгайгийнхан мэдэлгүй хамтад нь эвхсэн
Г. Түүний төрх байдал диваныг санагдуулсан

10. Шинэбаяр гишүүн яагаад цагдаад салаавч үзүүлэв?

А. Гишүүн хоолой нь гарахаа байсан учраас баруун гараа салаавчилсан, зүүн гараа эрхийг нь гозойлгосон байдлаар гацаагаад явдаг болсон ба чуулган дээр “за”, “үгүй” гэсэн саналаа түүгээрээ илэрхийлдэг болсон.
В. Өмнө нь бусдад үзүүлж байсан салаавчаа тайлахаа мартсан
Г. Эхээс төрөхдөө нэг гар нь салаавчтай байсан. Тэрийгээ нууж явсан боловч сая сэтгэл нь хөдлөөд гаргаад ирсэн.

11. Хууль зүйн сайд Нямдорж уг асуудлыг яагаад мэдэлгүй хоносон бэ?

А. “Би эхэлж барина” гээд тусгайнхны урдаар дайрч магадгүй гэж үзээд түүнд мэдэгдээгүй.
В. Орондоо хууль засаад завгүй байсан
Г. Сайд ерөөсөө юу ч мэдэхээ больсон
Д. Тэр худлаа хэлсэн. Трико углачихаад баривчилгааг удирдаж байсан

12. Тэрбишдагва гишүүний  шанаа хөхөрсөн нь ямар учиртай вэ?

А. Анх төрөхөд хонгонд нь байсан толбо шанаа руу  нь нүүсэн
В. Тэр угаасаа хөх төрсөн. Шанаанаас бусад газар нь хэвийн болоод байсан.
Г. Цохилтоос үүссэн нь нотлогдсон боловч  үлдсэн хурууны хээ өөрийнхтэй нь таараад болохгүй байгаа.
Д. Цагдаад зодуулсан. Гэхдээ нэрнээс нь болсон. Нэг айхавтар нөхөр хөндөлсөөд “Би халдашгүй эрхтэй УИХ-ын гишүүн” гэж хэлсэн.Тэгээд Энхбаяраас “Энэ үнэн үү” гэж асуусан. Гэтэл цаадах нь “Тэрбишдагва шүү дээ” гэсэн. Тусгайнхан үүнийг “Тэр нөхөр гишүүн биш. Харин Дагва гэдэг өөр гишүүн энд байгаа юм байна” гэж ухаараад зодоод хаясан.

13. Энхбаяр бурханы номыг хорих газарт зааж байгаа гэсэн мэдээлэл гарчээ. Тэр Бурханы номыг юу гэж зааж байгаа бол?

А. Бурхан байдаг юм байна
В. Бурхан байдаггүй юм байна.

14. Монгол улсын гурав дахь ерөнхийлөгч ямар сүүлтэй вэ?

А. Ахар сүүлтэй
В. Сүүлгүй
Г. Булган сүүлтэй. 

Энэхүү тест фельетоныг уншигчдын гаргасан санаа, саналуудаар баяжуулаад дахин хүргэж байна. Коммент бичсэн хүмүүс өөрийн регистр, виза картийн дугаар, нэвтрэх код зэргээ тавиагүй тул нэрийг нь заах боломжгүй болов. Үүний тул ээндноот өргөн барив.