Бэлэг- Гэнэтийн бэлэг зүүдлэвэл таны дээрээс тоосго юм уу кран унана.
Авирах- Модонд авирч байна гэж зүүдлэвэл танай байрны лифт эвдэрнэ.
Фортуна Батбаяр– Энэ хүнийг зүүдлэвэл та харь гаригийнхантай учирна.
Чигнаал- Машин сигналдаад байвал та түгжрээн дунд унтчихжээ.
Агаарын бөмбөлөг –Сонгуулийн сурталчилгаа эхэлнэ.
Ажиллах –Өөрийгөө ажиллаж байна гэж зүүдлэвэл 21 мянгыг өгөхөө больсонд та сэтгэл дундуур явдаг юм байна.
Аалз –Аалз зүүдлэвэл та лагер дээр унтаж байгаа ба таны хөнжил дотор үнэхээр аалз орчихож.
Алиалагч –Шинэ дэд сайд юм уу агентлагийн дарга нарын томилгоо эхлэх нь.
Алим –Та монгол гээд хятад ногоо хулхидуулж авах юм байна. Харин тэр алим хазагдсан бол та АйФооноо суйлуулах нь.
Алтан загас –Маш сайн зүүд. Та шарсан загас идэх болно.
Шүгэл -Та ч цагдаа байгааг харахгүй улаан гэрлээр ороод чихдүүлэх нь дээ.
Аптек –Шинэ төрлийн бэлгэвч худалдаанд гарах нь. Жишээ нь Icondom гэх мэт.
Архидаж байна гэвэл– Сайхан зүүд. Сэрэнгүүтээ хоёр чихээ дэлдийлгэн тат. Зүүд биелдэг юм.
Арц хүж– Та баарны нойлд тасарсан байна.
Туулай– Туулай хөөж байна гэж зүүдлээд барьж чадвал та ажлынхаа тэр бүсгүйг дөнгөж чадна. Барьж чадаагүйгээр үл барам гэнэт чоно гарч ирлээ гэж зүүдлэвэл та нөхөрт нь шанаадуулах юм байна.
Ус– Та орондоо шээчихэж.
Усан онгоц– Өөрийгөө усан онгоц гэж зүүдлэвэл шээчихээд сэрж чадахгүй бүрэн заваартаж дуусч байгаа нь тэр.
Ямар нэг хөдөлгөөнгүй зураг- Та замын түгжрээнд орно.
Алиса гайхамшгийн оронд- Энэ хүүхэлдэйн киног зүүдлэвэл та траншей рүү ойчих нь тодорхой.
Хонины хоргол- Таныг хэн нэгэн үзэмтэй үрлээр дайлна.
Галзуугийн эмнэлэг- Та ийм зүүд зүүдлэсэн бол академийн тэргүүн ч юмуу, хамгийн олон хэлтэй хүн эсвэл тэдний талынхны хэн нэгтэй тааралдана.
Хавх- Болгоомжтой байгаарай, таныг АТГ-аас дуудаж болзошгүй. Хэрэв ийм зүйл зүүдэлвэл цээрийг нь гаргах хэрэгтэй. Цээр нь: Гадаа гарч байгаад өөрийгөө хүрээлүүлэн тойрог үүсгэн эргэлдэж шээнэ.
Салаавч- Та мэдээ үзэхээ болихгүй бол солиорч байна шүү.
Интерномын дэлгүүр- Та Арго багштантой тааралдана.
Вампир– Тэргэл сартайд гэнэт вампир гарч ирлээ гэж зүүдлэвэл Сарандаваа ахайтан танай гэрт зочлох нь ээ.
Хонх– Хонхны дуу зүүдэндээ сонсвол сэрж хаалгаа онгойлго.
Дэлхий сүйрч байна– гэж зүүдлэвэл тиймэрхүү кино үзээд итгэчихсэн байна гэсэн үг. Хэрэв та галзуу хүн бол үүнийгээ зурагтаар ярина.
Өөрийгөө чоно гэж зүүдэлвэл– Таныг экс сайд Ж.Энхбаяр занаад байх шиг байна даа.
Дондогмаа гэдэг тоглоом зүүдлэвэл– С.Ганбаатар гишүүн үг хэлэхийг зурагтаар харна.
Би чамд хайртай киноны цагаан хоолойтой хороон дарга– Энэ хүнийг зүүдэлвэл та өөрийгөө Батзанданг амьдаар нь харах нь гэж бодох хэрэгтэй.
Та автуусанд явж байна– Энэ бол маш амархан тайлалтай зүүд. Маргааш таны машины номер хязгаарлагддаг өдөр болно гэсэн үг.
Эрхий хуруу– Ахиад хэн нэг нь салаавч гаргах нь.
Зуутын юмуу тавьтын дэвсгэртээ гээчихлээ– хэмээн зүүдлэбээс таны орсон жорлонд нойлын цаас дуусцан байгаад танаас хэдхээн төгрөгний гарз гарч болзошгүй байна.
Дамблдор-Та Дамблдорыг зүүдэлвэл Ц.Нямдоржтой тааралдана.
Үхэр юмуу илжиг болчихсон байна- гэж зүүдлэвэл та үзмэрч юмуу бөө дээр очно.
Хаос- Та эвэртэй нохой туурайгаараа уутандаа байгаа бүжингээ энхрийлж байна гэж зүүдэлбэл Манукол академийн Бат-отгонтой цуг лифтэнд сууж таарна.
Шуудуу– Шуудуунд унаж байна гэж зүүдлэвэл та зүүдлээгүй бөгөөд тасартлаа уугаад жинхэнээсээ шуудуунд уначихаж.
Шумуул– Та гуурсаар ундаа уух юм байна.
Ялаа- Алгааүрчиж байгаа ялаа зүүдэлвэл шинэ сонгогдсон гишүүдийн нэгтэй тааралдах нь ээ.
Эмч– Залуу бүсгүй эмч зүүдлэвэл та танай хэсгийн эмнэлэгт шинэ эмч ирсэн байна. Харин бадриун эрэгтэй эмч зүүдэлвэл өгзгөндөө тариулна.
Сөлийсэн нүдтэй, хэлээ гаргасан хонь зүүдлэвэл– Танайх өнөө орой хонины толгой чанаж идэх нь.
Эмэгтэй хүн– зүүдэлвэл юу ч болохгүй ээ, зүгээр л эмэгтэй хүн зүүдэлсэн байна.
Өвчтэй хэвтэж байна- гэж зүүдлэвэл өвдөж болзошгүй.
Баярлаж байна- гэж зүүдэлвэл баярлаж болзошгүй
Гуниглаж байна- гэж зүүдэлвэл гуниглаж болзошгүй
Гар чинь чилж байна– гэж зүүдлэвэл та такси барих гэж нэлллээн зогсоно гэсэн үг.
Эрдэнэсийн сан– Эрдэнэсийн сан олж байгаа хүн харлаа гэж зүүдэлвэл та Баянсэлэнгэ гишүүнтэй тааралдана.
Эхнэр– Эхнэрээ сайхан зантай байна гэж зүүдлэвэл та зуу татаад харихад гэмгүй. Муухай ааштай байна гэж зүүдэлвэл нэгмөсөн шил архи ууж мэдээгээ алдаад орсон нь дээр.
Торт- Торт зүүдлэвэл та сонгуульд ялсан намын гишүүн бөгөөд тортноос хэрчим олж авах хэрэгтэйг харуулж байна.
Эхнэртээ хаягдаад, ажлаасаа халагдаад, өрөнд орцон байна гэж зүүдлэвэл– Энэ зүүд биш харин та 12 сарын 22-ны өглөө сэрж байгаа бөгөөд хатагтай Орифлэймийн дэлхий сүйрнэ гэдэгт итгээд мөн ч их дураараа дургижээ.

Артгаа зүүд тайлав

Сэтгэгдэл (0)