Шөнө ФМ рүү нэг эр утастаад:
-Хөгшөөн, дуугаа аяархан болгоод өгөөч? гэхэд DJ гайхаж:
-Өөрөө л радиогоо унтраачихна биз дээ?!
-Хөршийн радио чанга дугараад байгаа юм аа...

***

Төрийн албан хаагч Ганданд очиж хүслээ шивнэж байна:
"Бурхан минь ганц л хүсэл байна, авилгаа л баригдуулчихгүй юмсан, бусдыг нь би өөрөө худалдаад авчихна"

***

Нэг урсгалтай замаар гарахдаа 2 тийш харж гардаг бол та Улаанбаатарын жинхэнэ иргэн мөн. 

***

Сайн залуутай учиртлаа феминизм;
Хувийн өмчтэй болтлоо коммунизм;
Онгоц чичиргээнд ортол атеизм. 

***

Утсаа автал “Баяр юмуу Баясгалантай ярья” гэхээр нь “Та андуурчээ, энд ямар ч баяр баясгалан байдаггүй” гэв. Юу хачин муу ёрын хариулт болчихов оо!

***

Анагаахад орж буй оюутнаас:
-Та яагаад эмч болохоор шийдэв?
-Би хүмүүсийг үзэн яддаг!

***

Эрчүүд гэрлэх санал тавихдаа "Хоёулаа хурим хийе" гэдэг бол хүүхнүүд "Би жирэмсэн" гэдэг.

***

-Куб гэж юу гэж байгаа юм?
-Шоо
-Тэгвэл кубик?
-Шодой...
-Хахаха, яагаад?
-“Одой шоо” гэсэн үг

***

Эрчүүд загасчлахдаа хөвөгч хараад хөдөлгөөнгүй 2 цаг дүмбийгээд суух бол энүүхэнд, харин эхнэртэйгээ дэлгүүр ороод 5 минут болов уу үгүй юу адгаад л...

***

Нэг танил маань их ядарч явна лээ: хөгцөрсөн бяслаг идээд, хуучирсан вино уугаад, хоёрхон суудалтай дээвэргүй машин унаад.

***

Зарим нэг нь биеээ ч засч чадахгүй байж ганц нэг 100 татахаараа улсыг яаж засахыг мэддэг болчих юм. 

***

Засгийн Газарын ордны цэвэрлэгч "Эрэгтэй 00" цэвэрлэнгээ үглэнэ:
-Өөрсдийн ганц юмаа чиглүүлж чадахгүй байж, улс орныг яаж зөв чиглүүлэх юм бол доо хөөрхийс.

***

Хошин шогийнхныг би тэнэг гэж боддог байсан юм. Гэтэл нэг жүжигчин нь 500 саяаар хауз худалдаж авлаа гэсэн мэдээ уншлаа. Би тэднээс тэнэг байх нь ээ?

***

Эр хүн тань өдөр болгон оймсоо солихоо байж, сахлаа хусахгүй, гоё үг хэлэхээ болисон бол бүсгүй та тайван байж болно, тэр одоо 100% таных болсон байна. 

***

-Бэлгэвчтэй бол араар тавьсанд тооцохгүй биз дээ?
-Аанхан, дуу намсгагчтай буудвал хүн алсанд тооцохгүй юу бас?

***

Гэрт хулгай ороод юу ч аваагүй гараад явсан байна. Шал шараа юм.

***

Автобусанд суугаад зогсоод явж байна. 

***

-Эмч ээ, манай эхнэр өглөө 6 болтол унтаж чаддаггүй гэнэ
-Ээ, яасан юм бол доо?
-Намайг хүлээдэг гэнэ ээ...

***

Эрчүүд ээ! Угаалгын машин буруугүй юм байна шүү. Нилээн шалгалаа. Өрөөсөн оймс машинд орохоос өмнө сагсандаа алга болдог юм байна. 

***

Судалгаагаар, монголчуудын нас баралтын гол шалтгаан Монголд амьдарч байгаатай нь холбоотой гэж гарсан байна.

***

Тэргүүн баячуудыг инээлгэе гэвэл мөрөөдлөө яриад өгөөрэй.

***

Эмэгтэй үсчингийн сурталчилгаа:
“Урт үсийг тайрна, богино үсийг ургуулна, шулуун үсийг буржийлгана, буржгар үсэнд шулуун хими хийнэ”

***

Эрүүл мэнд, эд баялаг хүсэх хэрэггүй, харин азтай байхыг хүc. Учир нь "Титаник" дээр эрүүл, баян хүмүүс их байсан ч амь гарсан нь цөөн.

***

Ажилдаа явах гэж машин авч буй хүн тийм ч лаг биш, харин ажлынхаа ойр байр авч чадах хүн жинхэнэ саак.

***

Хөргөгчин дээр нь “Цонжин Болдог”ийнхоос өөр соронзон наалт байхгүй айлд орсон хулгайч өрөвдөөд юу ч авалгүй гарчээ.

***

Танил маань гэртээ хамгийн удаан засвар хийсэн дэлхийн рекордод арай л хүрч чадсангүй: 12 дахь жил дээрээ галзуурсан хөршдөө алуулчихсан, зайлуул.

***

Эмэгтэй хүний гол проблем: Турахын тулд юу идэх вэ???