"Вант улс" шиг хамгаалалт үүсгэхгүй бол утсан хүүхэлдэй болох аюултай. "Энэ хууль Үндсэн хууль зөрчсөн гэж шийдвэр гарга”. “Ерөнхий сайд хууль зөрчсөн гэж шийдвэрлэ" гэж шахалт ирэхэд түүнээс зөрвөл “чамайг эгүүлэн татна” гэж айлгаж сүрдүүлэхийг үгүйсгэхгүй.

Францын Ерөнхийлөгч Эммануэл Макрон ч Монголын Төрийн тэргүүн У.Хүрэлсүхийг ирэх аравдугаар сард өөрийн улсдаа айлчлах урилга үлдээгээд буцсан нь учиртай. Ерөөс хоёр улсын тунхаглал, тэр дагуу Засгийн газрынх нь түвшинд хэрхэн ажил хэрэг болгосныг, үндсэндээ монголчууд ярьсан, тохирсноо яаж биелүүлдгийг тандах, магадгүй дүн тавих "гэрийн даалгавар"-ын үнэлгээ нь Ерөнхийлөгч У.Хүрэлсүхийн Францад хийх албан ёсны айлчлалаар баталгаажина гэсэн үг.

Энгийн гэмээр засаглалын эрх үүргийн хуваарилалт, харилцан хамаарлыг Төр түших хугацаандаа хэдэнтээ сайд хийж, өдгөө УИХ-ын даргын албыг хашиж буй Г.Занданшатар мэдэхгүй биш гадарлана. Сайн ч мэдэх нэгэн.

Өчигдөрхөн дэмжиж баталсан хуулийнхаа заалт, үйлчлэлийн хүрээг өнөөдөр нь мэдэхгүй мэлзэж буй УИХ-ын гишүүд маргааш ямар хууль оруулж ирж батлах вэ? гэдэг нь эргэлзээтэй бас болгоомжлол төрүүлэх шалтгаан.

Хууль тогтоогч ч хууль дуудсан цагт гутлаа тослоод, зангиагаа зүүгээд очдог байх хэрэгтэй, зүй нь тэр.

Тангараг өргөсөн даруйдаа шүүх, прокурор, АТГ-ын удирдлагын бүтэц рүү гар дүрдэг, өөрийн хүнийг тавих гэж зүтгүүлдэг өмнөх Ерөнхийлөгч нарынхаа үйлдлийг үргэлжлүүлэхгүйгээр бүрэн эрхийнхээ тэн хагасыг туулсан нь Ерөнхийлөгчид өгөх сайн үнэлгээ ч энэ удаагийн сонгуулийг зүгээр хараад суух хэмжээний сонирхол У.Хүрэлсүх шиг улстөрчид төрөхгүй нь хэн бүхэнд ойлгомжтой.