Би вээр ингэж сонссон билээ. Тэр нэгэн цагт... гэж их хөлгөн судрууд эхэлдэг. Эдгээр судрыг Буддагийн эрхэм шавь Ананд уламжилсан юм. Буддаг нирваан дүр үзүүлсний дараа хамаг шавь нар нь цуглаж, түүний сургаалыг эмхэтгэжээ. Будда дөчин таван жил сургаалаа айлдсан. Дөчин таван жилийн турш Ананд түүнийг сүүдэр шиг дагаж явсан юм.

Очир хөлгөний сахилд бүсгүй хүнийг дорд үзэхийг язгуур унал гэж заасан байдаг. Амьдралаас тусдаа гэгээрэл, ертөнцөөс хол Бурханыг хайх хэрэггүй гэсэн утга юм уу даа.

Цөөхөн монголчууд дундаас цөөнгүй мэргэд тодорчээ. Тэднийгээ бид хэр мэддэг сэн билээ?

“Багшийн бэлгэ чанарыг Марва хэлмэрчийн намтраас үз. Шавийн бэлгэ чанарыг Гамбова отчийн намтраас үз” гэсэн дээдсийн захиас бий.

“Гэгээрсэн мэргэдийн цадиг түүх бол жирийн нэг түүх биш. Энэ бол үгээр илэрхийлж, үзгээр зуршгүй үнэмлэхүй чанадыг заасан ёгт дохио юм. Сар луу заасан хуруутай адил. Хурууг биш, хурууны заасан зүг рүү харж бай!” гэж хорьдугаар зууны Энэтхэгийн их мистик Ошо хэлсэн байдаг.

Гүрү Бадамжунай (са: Падмасамбхава)1200 гаруй жилийн тэртээ умард Энэтхэгийн Удияна оронд мэндэлж, хааны ордонд өсч, идэр залуудаа ордноо орхин даяанч амьдралыг сонгож, бясалган гэгээрсэн их багш юм.