Сүүлийн үед намайг шүүх хурал хойшлогдсонтой холбогдуулан зарим хэвлэл мэдээллийнхэрэгслээр олон түмний тархийг угаах зорилготой гүжир гүтгэлгийн мэдээллийг эрчимтэй тараах боллоо.
Монголд хэн ч дарангуйлагч боллоо гэхэд хоёр хөршийн дэмжлэггүйгээр оршин тогтнож чадахгүй. Монголчууд бид өөр хоорондоо өрсөлдөн тэмцэлдэхдээ гаргуун хүмүүс бөгөөд хэн нэгэнд монополь эрх мэдэл өгчхөөд удаан харж суухааргүй амбицтай. Чанга гар хэрэгтэй гэж байгаа улстөрч бүхэн цаанаа өөрийгөө л чанга гар хэмээн бодно. Чанга гар хэрэгтэй хэмээх олон түмэн ч цагаа болоход чанга гар доороо удаан сууж чадахгүй. Тийм учраас, дарангуйлагч болох “манай путин” зайлшгүй дэмжлэг хүсэн хоёр хөршийн удирдагчийн “хөнжилд орж” таарна.
Оюун-Эрдэнэ шиг залуус гэгээрч амжихгүй бол бид хэцүүдэж мэдэхээр байна!
Хувь хүн, хэдийгээр эрх чөлөөтэй амьдрах учир зүйгээ тэр бүр олдоггүй, дарангуйлал дор уруу татагдан ордог нь үнэн боловч эцэстээ эрх чөлөөний л төлөө оршихуй. Шоронд орохыг дэлхийн ямар ч хүн хүсдэггүй. Тийм болохоор ардчилал барууны орнуудын “өмчилдөг” зүйл биш. Манайхан “ардчиллыг хэн ч өмчлөх ёсгүй” гэдэг биз дээ. Үнэн агаад ухаалаг үг шүү!
Одоо УИХ дээр шүүхийн хуулийг өөрчлөх асуудлыг хэлэлцэж байна. Хараад байхад, шүүх бол хэнээс ч хараат бус байж, иргэнийхээ шударга шүүхээр шүүлгэх эрхийг хангах байгууллага хэмээн ойлгож, уйгагүй нотлон үзэлцээд байгаа нэг гишүүн бол Б.Энхбаяр аж. Бид ийм нэг гишүүнтэй нь яамай даа! Гэхдээ мань эр ганцаараа дийлдэг болов уу? ҮАБЗ-ийг дийлдэг болов уу? Хуулийн тухай социалист ойлголт хэвээрээ хууль тогтоогчдод шударга шүүхээр шүүлгэх эрхийн утга учрыг ойлгуулж дийлдэг болов уу? Үндсэн хууль нь хуулиудаа конституцалдаг (захирдаг) болохыг ойлгуулж дийлдэг болов уу? Ардчилсан Үндсэн хуультай Дарангуйлал бол ердөө л фашизм гэдгийг ойлгуулж дийлдэг болов уу даа? Харцгаах л үлдлээ!
Хүний хангалуун амьдрахуйн хүсэл (шунал), дорд үзэгдэхгүй байхуйн хүсэл (атаархал), дотоод “би”-гээ хамгаалахуйн хүсэл (зарчимгүй) зэрэг хүслүүд нь секстэй адилхан хүний эволюцийн явцад бий болж, байгалийн мөн чанарт нь хадагдсан ухамсрын модулиуд юм. Тэдгээр модулиуд нь байрлах тархины хэсгийг нь гэмтээх юм уу, хагалгаа хийж салгаж авахгүй бол тархинд байрласаар байх болно.
