Хүлцэнгүй дарлуулаад байвал монголчууд хэзээ ч өөдлөхгүй. Ажнайгаар туг тахиснаа авилгатай тэмцсэн ерөнхий сайд Л.Оюун-Эрдэнийн “гавъяа” гэж мулгуу ард түмнээ маллах гэж буй бол горьдсоны гарз. Ажнайг хаацайлж ял завшуулах гээгүй Л.Оюун-Эрдэнэ ээ! Экспортын 80 их наядын ашиг хаасан ерөнхийлөгч асан Х.Баттулга, 40 их наядын нүүрсний хулгайчдыг ЖДҮ-чид шиг оодруулахгүй гэж масс шаардаж байна УИХ-аа! Ард олны тэвчээр тэнхээ барагджээ ерөнхийлөгч өө!

...Зөв шүүмжлэл байгаа оновол эм болдог гэх итгэлээ би хаядаггүй. Хувь хүн, нийгмийн сул тал зөв шүүмжлэлээр засрах нь элбэг.

Биесээ барьж идэх гэж талцан зодолдож буй бүлэглэлүүдийг Төр засгийн тавцангаас орвонгоор нь хус. Нэгийг хусаад нөгөөг үлдээвэл юу ч өөрчлөгдөхгүй. Бүлэглэлүүд цөм ав адилхан хулгайчууд гэдэгт бүү эргэлз. Эх орны баялгийг булаацалдаж буй талцсан хулгайчдын аль нэгийг өмөөрвөл Та өмөөрсөн хулгайч бүлгийнхээ хамсаатан болж нүгэлд унана.

Монголчууд бие биеэ хайрладаг болж чадвал Их хөршийн геополитик саармагжина.

Эрхэм улс төрчид минь сэтгэх цар хүрээгээ тэлцгээ. Та нарын тархины сан хөмрөгийг авилга, огцруулах, томилох ад зэтгэр эзэлжээ.

Хивс битүү дэвссэн урт сайхан гудаатай, олон саруулхан тасалгаатай, дотроо тансаг гуанзтай, ойн цоорхойд иж бүрэн зуслантай, ийм байгууллагыг том гэхээс яахав.