УИХ-ын гишүүдийг сонгох сонгуулийг ард түмэн эрхээ алдах сонгууль биш, ард түмэн эрхээ эргүүлж олж авах сонгууль болгох ёстой. Үүнд л ардчиллын, ардчилсан сонгуулийн утга учир оршдог. Ирэх сонгуулийг “Айн айцгаана уу” сонгууль биш “Сайн байцгаана уу” сонгууль болгох хэрэгтэй байна.
Их Монгол бол дэлхийн Монгол юм. Дэлхийн Монгол бол дижитал Монгол юм. Их Монгол бол Монгол хүн бүрт хамаатай зорилт юм. Холын зорилго үгүй бол, ойрын зовлон салахгүй.
“Бүх гахай ижил эрхтэй. Харин нэг гахай илүү эрхтэй”. Энэ бол Та бидний сайтар мэдэх гахайн шударга ёс. Хүнээр авч үзвэл тухайн хүний өөрийнх нь шударга ёс юм.
