Зочдын маань үг болгон нь үнэтэй сонирхолтой нэвтрүүлэг хийлээ. Нийгмийн өөрчлөлтийг хэн, яаж, ямар зорилгоор хийдэг вэ, иргэн хүн зорилготой, зоригтой, нийгмийн идэвхтэй байхын утга учир юунд байдаг бол, эгэх биш эргэх хариуцлага биш үү, төр тунгалаг бөгөөд иргэддээ нээлттэй байх зайлшгүй шалтгаан нь юу юм бол зэрэг асуултын хариуг та энэхүү нэвтрүүлгээс авах болно. Нэвтрүүлгийн зочдоор Хүний эрх хамгаалагч Б.Болорсайхан, IRIM судалгааны хүрээлэнгийн зөвлөх, ТУЗ-ийн гишүүн А.Долгион, Дэлхийн Банкны засаглалын мэргэжилтэн Д.Амарбаясгалан, “Бүх Нийт Боловсролын Төлөө” үндэсний эвслийн зохицуулагч Д.Тунгалаг нар оролцлоо. Синдикат ярилцлагын 44 дэх дугаарыг текст болон видео хэлбэрээр хүлээн авч уншиж бас үзнэ үү!

“ТРИО” кино дэлхийн А зэрэглэлийн кино наадамд уригдлаа

Хурал ихэдвэл ажил муудсаных, хуушуур ихэдвэл мах муудсаных гэж зарим хүн ярьдаг. Та элдэв янзын хурал, зөвлөгөөн, форумаас үнэхээр залхаж байна уу? Үр дүн байдаг юм уу? Форум, хэлэлцүүлэг хийхгүй байж болдоггүй юм уу? Сонгодог утгаараа ажилладаг бодлого судалгааны хүрээлэн буюу мэргэжлийн тинк танк институти Монголд бий юу зэрэг асуудлыг хөндсөн Синдикат ярилцлагын 25 дахь дугаарын зочдоор “Нээлттэй мэдлэг боловсролын сан”-гийн тэргүүн Д.Энхбат, МУИС-ын профессор, эдийн засгийн ухааны доктор Ч.Хашчулуун, Засгийн газрын Хэрэг эрхлэх газрын даргын зөвлөх Б.Эрдэнэсанаа, Ард санхүүгийн нэгдлийн гүйцэтгэх захирал Ч.Ганхуяг нар оролцлоо.

Дэлхийн том компаниуд жил бүр инновац, шинэ бүтээгдэхүүн, технологийн мэдлэг, салбарын мэдээлэл, бүтээлч түйвээлтийн туршлагаа зөвхөн харилцагч төдийгүй хамтран ажилладаг бүх талуудтайгаа хуваалцдаг жишиг тогтоожээ.

Эртний Грекийн утга зохиолын хамгийн эртний дурсгал болох Хомерийн Илиад, Одиссейгоос авахуулаад бөмбөрцөгийн бүхий л сонгодог зохиол, алдартай туулийг хэвлэн гаргадаг дэлхийн алдарт Penguin Classics хэвлэлийн газар “Монголын Нууц Товчоо”-г энэ онд хэвлэн гаргасан. Үүний орчуулгыг алдарт монголч эрдэмтэн Christopher P. Atwood орчуулсан билээ.

Оюуны ялгаатай хөгжилтэй хүүхэд, залуусын эрхийг хамгаалах, ялгаатай байдлыг нь хүлээн зөвшөөрөх, спортоор дамжуулан тэднийг хөгжүүлэхэд эцэг, эхчүүд болон олон нийтийг уриалах, оюуны бэрхшээлийн талаар мэдлэг олгох, нийгмийн хандлагыг өөрчлөх, Тусгай Олимпыг орон нутагт таниулах зорилготой “Боломжийг бүгдэд” төсөлд зориулсан 65 дахь дугаараа та бүхэнд хүргэж байна. Зочдоор “Мобинет” компанийн гүйцэтгэх захирал Б.Мөнхзориг, "Хөгжлийн бэрхшээлтэй хүүхэдтэй эцэг эхийн холбоо"-ны зөвлөх Б.Батчулуун, Өмнөговь аймгийн Тамгын газрын Нийгмийн бодлогын хэлтсийн дарга Ц.Бадамцэрэн, "Улаанбаатар Ротари" клубын ерөнхийлөгч Б.Алтангэрэл нар уригдлаа. Манай ярилцлагыг та бүхэн видео болон текст мульти формат хувилбараар хүлээн авна уу.