Олоон жилийн тэртээ Филадэльфид хөл тавьсан нэрэлхүү атлаа шазруун хөвүүний амьдралд хөлөө олсон, гагц хөлөө олоод зогсохгүй Америкийн түүхэнд, улмаар хүний түүхнээ үлдээсэн тод мөрийг эндээс олж харна. Бэнжамин бол тал бүрийн авьяастай, хүндлэхээс аргагүй хүн төдийгүй бүтээлч, эрүүл саруулаар сэтгэдэг уйгагүй хөдөлмөрч хүн. Түүний намтраас уншигч бүр өөрт таалагдах, сэтгэлд нь хоногших тийм үйл явдлыг заавал олно.

Номын баярыг зорин ирсэн уншигчид хэн хэн, ямар бүтээлтэй ирэв гэдэг асуултад ​хариу хайдаг нь тодорхой. Хэвлэлийн газар, зохиолч, орчуулагч, нийтлэгч бүхэн уншигчийн энэ асуултад сэтгэлийг нь ханатал хариулах гэж хичээдэг. Энэ удаа Нэпко хэвлэлийн газар асартаа ирсэн зочдын хорхойг хөдөлгөх олон шинэ ном бүтээлтэй байлаа. Тухайлан дурдваас: Марк Аврелий “Бясалгал”, Волтэр Айзэксон “Бэнжамин Франклин”, ​“Леонорда да Винчи”, Мүраками “Хилийн дээснээс урагшхан алтан нарнаас баруунтаа”, Морган Хаузэл “Үргэлж хэвээрээ”, Никколо Макиавелли “Ордныхон”, Клайв Вэрони “Хуйлруулах урлаг”. Энэ бүгд Номын баяр нээгдэхэд хэвлэлтээс гарсан бөгөөд Номын баяр хаагдахаас өмнө хэвлэгдэж ирсэн нь дуусаж, одоо ч асууж сурагласаар байна.

Таван зуун жилийн өмнөх Хаантанд бичсэн захидал өнөөгийн ордныхон-д зориулсан судар аж. Редакторын зурвасыг та бүхэндээ хүргэж байна.

Ном унших нь өөртөө цаг гаргаж түүндээ анхаарал хандуулж, төвлөрөх дадалд сургадаг. Юун түрүүнд өөрийн тань хүсэл сонирхолд нийцэх ном байх хэрэгтэй. Басхүү таны мэдлэг мэргэжил, эрдэм оюуныг шинэчлэхүйц сайн ном сонгох нь чухал. Сайн ном хүний мэдлэгийн хязгаарыг тэлнэ. Мэдлэгийн хязгаар хаа хүрнэ, хүний оюун санааны ертөнцийн хязгаар тэнд байна гэсэн үг. Илүү уудам, илүү сайхан ертөнцөд амьдаръя гэвэл сайн номтой нөхөрлөх нь чухал гэж би боддог. Иймд хэвлэлийн газрынхаа эрхлэн гаргасан номоос нас хүйс, салбарын төлөөлөлд зориулж дараах зургаан номыг та бүхэнд санал болгож байна.

Сэлүүрт завины спортын дэлхийн аварга, Олимпийн мөнгөн медальт тамирчин, Кэмбрижийн их сургуулийн багш, Алсуур ялалт номын зохиолч Монголд ирнэ.

Баялаг ба ядуурал бол хүн төрөлхтний түүхэнд бичигдсэн гүн гүнзгий агуулгатай консерватив ном. Жорж Гилдэр баялаг хийгээд ядуурлын сэтгэлзүйг тод томруун тайлбарлажээ. Ядуурлын эсрэг авч хэрэгжүүлсэн засгийн газрын хөтөлбөрүүд ядууст ямархан гай авчирсныг дэлгэрэнгүй үзүүлжээ. Мөнөөх хөтөлбөрт хамрагдсан үй олны дундаас хэдхэн хүн ядуурлаас ангижирч байхад өчнөөн олноороо улам ядуураад байдгийн шалтгааныг та эндээс олж уншина. Тэрээр “Өнөөдөр Америкийн ихэнх нутагт ядуусын амьдралын үндсэн баримт бол ажлын хөлс халамжаар олгодог TANF (Гачигдалтай гэр бүлд үзүүлэх түр тусламж) хөтөлбөрийн тэтгэмж, хүнсний талон, нийтийн байр, нийтийн өмгөөлөгч, чөлөөт цаг ба халамжийн төрийн бусад бүх бараа үйлчилгээнээс доогуур байгаа явдал юм. Ийм нөхцөл байдал үргэлжлэхийн хэрээр гэр бүлийн бодит ядуурал, ялангуяа ядуус бөөгнөрсөн газарт бүр муудах хандлага ажиглагдаж байна” гэжээ.