​“ХОРЬ ХОРИН НЭГЭН” оны босгыг яаж зөв элээх вэ? Хариулт нь: - Гагцхүү оюун сэтгэлгээ, үзэл санааны босго өндөр саруул ухаантай, эрүүл хараатай байж – Ёо! гэх өвчингүй Яанаа! гэхийн гачлангүй эрх чөлөө эрхээ хүн бүр бүрэн дүүрэн эдэлж, аз жаргалтай, орлоготой, ашигтай байх ёс зүйт тогтолцоог даллая. Харин ковидизм, ковидистууд далд ор. ТОНИЛ ЦААШАА!

Буруу цулбуурын эцэст зүүний үзэл буюу зүүнтэнгүүд саарал зүстэй, зэгэлтэн байгаагаа ухаарах уу? эс ухаарах уу? Эндээс орших уу? эс орших уу? гэдэг асуулт үүсээд байна.

Би хэн нэгэн албан тушаалтныг биш, хүний эрхийг л хамгаална. Цаашдаа ч хувь хүний эрх, эрх чөлөөг байгаа хугацаандаа бүхий л чадлаараа өмөөрнө.

Залагдсан толгойнууд нь баян толгойнуудаас хандив дэм авч зайдлах толгойнуудаа худалдаад авдаг учир манайд сонгууль сонгууль биш наймаа хуйвалдаан болоод явчихна. Хуйвалдаанаар сонгогдсон гишүүн толгойнууд ивээн тэтгэж, ивээлдээ багтаагч баян толгойнуудаас авсан хандиваа төлөхдөө худалдаж авсан толгойнуудаа дахиад л ичгүүргүйгээр мөлжинө. Мөлжүүлсэн толгойнууд мөнх бусыг үзэх дөхнө. Улны толгойнууд бол үхрүүд гэж хатан толгойтонд зэмлүүлнэ.

Хагацашгүй сайн хүндээ хэлшгүй муу үгийг бүү гэж нэг том философи байдаг. Харин би бээр хагацашгүй дархан эрх чөлөөнийхөө төлөө хэлэх ёстой үнэн үгээ хэлнэ. Миний дотны байсан нэгэн дүү хүү намайг “Та насаараа Галаагаараа явах юмаа, дандаа Галаагаараа байх юм уу?” гэж ёгтолж, зэмлэх аястай хэлж тохуурхаж байсныг саналаа. “Илүү сартай зун” киноны Галбадрахын дүрээр хэлж байгаа нь тэр.

Төрд өмч төвлөрүүлэхгүй байх бодлогыг эрэмбэлэн илт тод нээлтэй хувьд шилжүүлэх үйлсийг үнэ цэнэтэй үйлдэл болгох…