Гэмт хэрэгтэнд биш, амьдрах гэж яваа манаач харуулуудад нь эр бяраа гаргасан нь ёстой онигооны сэвслэг. Халдлага сүрдүүлэг нь муу үйлийн савслага.
Би хэн нэгэн албан тушаалтныг биш, хүний эрхийг л хамгаална. Цаашдаа ч хувь хүний эрх, эрх чөлөөг байгаа хугацаандаа бүхий л чадлаараа өмөөрнө.
Хүмүүсийн амь амьдралыг өөрийнхөө хэрэгцээ гэж үзэж албан тушаалаа ахиулах гишгүүр болгож, дарангуйллаа инээмсэглэн тогтоодог саарлууд бол дэлхийн түүхийн хар нөхөөс юм шүү!
Өнөөдөр социализм, коммунизм, фашизм, национализм, алтриузм, коллективизм аагиж ноёрхсон хэвээрээ байна. Миний итгэж байгуулсан АН-ынхан бие биенийгээ золиослогчид болж хувирлаа.
Хүн өөрийнхөө баялгийг өөрөө бүтээхээр ирсэн бодгаль.
Буруу цулбуурын эцэст зүүний үзэл буюу зүүнтэнгүүд саарал зүстэй, зэгэлтэн байгаагаа ухаарах уу? эс ухаарах уу? Эндээс орших уу? эс орших уу? гэдэг асуулт үүсээд байна.