Монгол улсын хувьд юуны өмнө Төрийн тогтолцоо, сонгуулийн хуулийг боловсронгуй болгох, Нийгэм, эдийн засгийг зохистой бодлогоор тогтвортой хөгжүүлж чаддаг болох гэсэн хоёр асуудалд анхаарал төвлөрүүлж шийдэх шаардлагатай.
Хувийн өмчийн нэгжүүдийн ихэнх нь богино, урт хугацааны үйл ажиллагааны бодлого төлөвлөгөөтэй ажилладаг, дэвшилтэй техник технолог сонгох, өртөг зардлыг хямдруулах, бүтээгдэхүүн үйлчилгээнийхээ чанар өрсөлдөх чадварыг дээшлүүлэх, харилцагчдынхаа ашиг сонирхолыг харгалзахад тавих анхаарал илүү байдаг. Авилга, ашиглах гэмт хэргээс сэргийлж чаддаг.
Мал аж ахуйн түүхий эдийн нөөцийг бүрэн боловсруулж, чанартай бүтээгдэхүүн үйлдвэрлэж дотоод гадаад зах зээлд борлуулдаг байх нь хүн амынхаа гуравны нэг хөдөөгийн иргэдийн амьдралыг дээшлүүлэх, Монгол улсын эдийн засаг нийгмийг тогтвортой, эрчимтэй хөгжүүлэхэд шийдвэрлэх ач холбогдолтой.
Эрчим хүчний одоо ба ирээдүйн хэрэгцээг өөрийн үйлдвэрлэлээр хангах бодлогоор энэ асуудалд хандах хэрэгтэй.
Монгол түүхийг шударга дүгнэдэг, Чингис хааныг мянганы хүнээр тодруулж, хүн нийгмийн түүхэн хөгжилд Чингисийн монголчуудын байгуулсан гавьяаг зөв үнэлдэг болж байна.
Харамсалтай нь өнгөрсөн гуч шахам жилийн хугацаанд улс нийгмийн хөгжлийн асуудлыг бүрэн хариуцаж ажиллах чадвартай, төлөвшиж хариуцлагажсан, ард түмэнд бүрэн итгэгдэж хүндлэгдсэн улс төрийн нам бий болсонгүй.
