Электрон тамхи, видео тоглоом, утасны донтолт, кино, метавээрс гээд цоо шинэ ойлгох эцэсгүй донтолтууд айсуй. Товчхондоо донтолтоос сэргийлнэ, өөрийгөө авч гарна, хүүхдүүдээ авч гарна гэдэг бэлгийн боловсрол, эрүүл мэндийн боловсрол, харилцааны соёл гэх мэт шиг хамгийн чухал нэг ухаан болж байна.

Хэдийгээр улс орнууд бүгдээрээ өөр өөрийн жор, бодлоготой ч асуудал нь бол яг ижилхэн.

Бензиний үнэ хүчээр барих нь бүх нийтийг хамарсан хамгийн том халамжийн бодлого мөн. Ардчилсан нийгэмд хэн ч хэнийг ч халамжлах албагүй, шатахууны компаниуд бүгд хаалгаа бариад, зөвхөн төр л шатахуун импортоор оруулж ирдэг, тэр нь олддоггүй, соц үе шиг танил талаараа хөөцөлдөж авдаг, эсвэл хар зах дээр бэнзиний шагийн үнэ нь талийсан хачин заваан нийгэм хүсээгүй л юм бол бэнзиний үнэ буулга гэж төр засгаас нэхэхээ больцгооё.

Хүнийг, ер нь л хоёр хөлтэй мичнүүдийг бүгдийг хамгийн их бухимдуулдаг зүйл нь ялгаварлал. Магадгүй бусдаас хоцрохгүй, сүрэгтэйгээ нийлж явбал цаашид амьдрах боломж их үлддэг Дарвины хувьслын шинж ч биз. Хар цагаан хэл ам гэдэг ердөө л атаа жөтөө юм. Яг одоо нийгмийг хамгийн их бухимдуулсаар байгаа зүйлс бүгдээрээ л тэгш бус хандлага, ялгаварлал байдаг юм шүү.

Жолооны курст явлаа, удахгүй шалгалтаа өгнө, машин жолоодох нь бас авъяас мэдрэмж шаарддаг эд байна.

Бусдыгаа хүлээн зөвшөөрөх.. энэ чанарыг сурчихвал чиний стрээс ч буурна, нийгэм ч арай нэг эрүүл саруул болох юмдаа /ялангуяа ХҮН дэмжигч нар/. Т.Дүүрэн ахын хэлсэн нэг үг байдаг юм, “Монголчууд шийдэл олох гэж биш өөрийгөө илэрхийлэх гэж хэрэлддэг” гэж. Бодууштай шүү.