Төв Азид Оросын чин хүслийг тээсэн «ШХАБ-ОДКБ» гэсэн геополитикийн холбоос дөнгөж буй болж байх яг энэ мөчид харин Турк аль хэдийнээ хийдгээ хийчихсэн, «ШХАБ-ОДКБ» гэдгээс илүүтэй «АСРИКА» гэх исламын холбоо, түүнийг санаачлагч ба хэрэгжүүлэгч Эрдоганы бодлого[8] ид хэрэгжиж эхлээд байгааг бид анзаарах ёстой.

Ураны нөөцөөрөө дэлхийн топ-10 ба топ-12-ны нэгд орох манай улс уран олборлож экспортолж эхлээд удаагүй байна. Гэхдээ Төрөөсөө дэмжигдэж буй энэ экспорт цаашдаа улам өргөжнө. Энэ бол усан цахилгаан станцаас дутахгүй Засгийн газрын томхон төсөл ба төрийн өмчит “Монатом”-ын эх орондоо бүтээж буй ариун үйлс билээ.

Овоо шүү эрхэм Оюун-Эрдэнэ ээ! Монгол түмний заяа буянгаар дээд тэнгэрээс дэлхий ээжийн энэхэн чөлөөнд бүрэлдсэн ховор боломжийг “чулуу болгоод” буцан ирж чадвал эзэн богд Чингис хаан тэргүүтэй эцэг өвгөдийн маань гэгээн сүнс амирлан баясах буй за.

“Гадаад Монголын статус-кво” хэмээн түүхнээ Монголын нэр 1945 оны турш дуурсагдаж байсансан. Оршин байгаа бодит байдал, ерөөсөө БНМАУ тусгаар оршсоор 1945 оныг хүрсэн гэх тэр ойлголт аажмаар тусгаар тогтнолыг зөвшөөрүүлэх дипломатын алхам болон цааш өрнөсөн.

Тиймдээ ч НҮБ-ын Ерөнхий Ассамблейн онц тусгай чуулганд Орос-Украины хямралын асуудлаар санал хураалт удаа дараа явуулахад манай улс түдгэлзсэн. Энэ чинь манай байр суурь шүү дээ. Монгол Улс энхийг эрхэмлэсэн, нээлттэй, бие даасан, олон тулгуурт гадаад бодлого явуулна гэсэн Үзэл баримтлалын нөгөө чухал заалтаа энд дахин давтан тэмдэглэе.

Даян дэлхий дээр Иерусалим шиг ариун дагшин хот үгүй хэмээн жүүдүүд өөрсдөө, мусульманчууд, христианчууд нь ярьдаг юм билээ.