Ерөөсөө хөгжлийн жам ёс гэж байна. Олон мянган жил хадгалж ирсэн монголын онцлогтой үндэсний хосгүй нүүдлийн соёл иргэншил гэдэг чинь хөгжлийн жам ёсны эсрэг цэх зогсоод байж чадахгүй болсон байна. Ядуурал, нийгмийн бухимдал, нийгмийн хямрал, нийгмийн тогтворгүй байдлын үүр уурхай болчих магадлалтайг хүлээн зөвшөөрөхөд сэтгэлгээний хоцрогдол гол саад болж байна. Гучин жил элдэв хямрал салахгүй байгаа чинь сэтгэлгээний хоцрогдлын бүтээл, тусгал нь шүү дээ!

Дүгнэж үзье. Нийслэлийн энэ их түгжрэл Монголын нийгмийн 1-р асуудал болсон. Хүлээн зөвшөөрцгөөе. Үндэсний аюулгүй байдлын 1-р асуудал мөд болно. ҮАБЗ-д түгжрэл хариуцсан маш том алба ажиллах болно. Түгжрэл судлалын хүрээлэн (арай их сургууль биш байгаасай!) удахгүй хаалгаа нээнэ. Онцгой байдлын алба түгжрэлтэй тэмцэхийг тэргүүлэх үүргээ болгоно. Ганц тээврийн цагдаагийн ажил биш болно гэсэн утгаар хэлж байна.

Төрийн ёслол гэж бас л өвөрмөц, бас ч үгүй сүрлэг санагдсанаа дор буулгая. Дөрвөн тивийн 14 улсын Элчин сайд ирсэн он, сар, өдөр, цагийн дарааллаараа жагсана. Тив бүс нутгийн төлөөллөөс гадна арабын ертөнцийн, исламын шашинт, найрсаг харилцаат 14 улс хэмээн биднийг дотор нь ангилж үзнэ.

”Ж.Ёндон генерал шигээ дайчин генерал болно” гэх хэнээ офицер болгоны тархинд суучихсан юм уу гэсэн сэтгэгдэл армид байхад минь надад төрсөн юм.

(Шанхайн Багшийн их сургуульд тавихаар бэлтгэсэн илтгэлээс)