Зүгээр ажилдаа очих гээд алхаж байхад гэв гэнэт сугадаад авах нь энүүхэнд болж. Цагдаа гээ л палхийгээд харахад “эгч нь уналаа шүү түшээрэй” гэж хашгираа л нус нь хацартаа наалдаад хөлдцөн эгч халтирч, хоюулаа давхралдаа л таварцаглаж байна. Шалмаг зарим нь намайг доороо хийж байна гээч. Хотынхон дэр авч унадаг болжээ. Жүдод явуулуул алахаар байна.

Ёстой бөгсөө гавчиж байнаа. Байсгээ л нэг баахан өмднийхөө бөсгийг арагш нь татаж янзалсан улсууд. Бүр автуусны сандлыг бумбадаад наагаад явжаагаа ч хүн тааралдсан гэх.
Ямар ч гэсэн шамбарамын  тохиолдол эрс багассан сайн талтай.
Энэ их халтиргаанд бүгдээрээ ч дургүй байгаам биш гэж байна. Хүүхнүүд “уначих гээд өгзөг өөрөө чангараад ондойгоод байна аштай юу даа” гэж шивнэлдэж байгаад баригдсан. Тэгээд кэгэл мэгэл хийх гэж мартаж санахгүй, аяндаа хийгдээд амар байгаа байх.
Гэхдээ хэлээ гаргаж яваад хэлний үзүүр хөлдчих гээд байна гэж байна лээ. Нөхрүүд харин үүнд нь дуртай байгаа болтой байсан. Нэг өвөл ч гэсэн чих амар байхымд. Гэхдээ унахдаа тас хазчаасай гэж бодоогүй нь лавтай. Хааяа оймс подвоолк хаана байна гэхэд хэлээд өх хүн хэрэгтэй.

Улсын нөөцөд давсгүй болсон болтой юм. Эсвэл давстай ч гэсэн яаж цацахаа мэдэхгүй байна гэлцэж байна. Хотын дарга нарыг сүмо үзэхийг уриалж байна. Тэнд давсаа хаанаас олоод яаж цацаж байгааг тод томруун харуулж байгаа.
Гэтэл сүмо угаасаа үзэж байгаа гэнээ. Тэгээд яасын гэсэн чинь тэр хажууд нь ажиглаад суужээдэг багш нар нь илүү гоё харагдаж байна гэсэн гэнүү. Тийм дээ халуухан харц гэж дуу байдаг л юм чинь.

Гэхдээ сайн тал байнаа бас. Жишээ нь надад цасны тухай дөрвөн мөрт төрж байна. Би яруу найрагч болчуул яахын тийм биз дээ? За дөрвөн мөртөө сонирхуулы, “Хотын дарга өнөөдөр цасандаа гарсан болуу?” гэдэг шүлэг байгаа юм:

    Хотын дарга өнөөдөр цасандаа гарсан болуу?

    Хотын дарга өнөөдөр цасандаа гарсан болуу?
    Өдөр бүр гарахгүй бол энэ цас бүткү нь ээ!
    Хотын захиргааны байшинд хэдэн хүн ажилдын бол?
    Бид нар мөнгө цуглуулаад бүгдий нь хүрзээр хангаж чадышдээ...

Заавал толгой холбоно гээд хуулиндаа заацымуу ямар. Цувуулаа л бичүүл шүлэгшд. Би нэг удаа толгой холбосон 2 мөртэй, шүлгийн тухай суут шүлэг тэрлэж билээ. Тэрнийгээ доор сонирхуулы:
Шүлэг
Шүү.

Багадаа нэг их цасан дунд алхаж байснаа санадаг юм. Тэгээ л хэлээ төмөрт наагаал.

Хотын гацууруудаас олон юм харагддаг шүү. Төв талбайн гацуур жишээ нь яг л улсын ажил шиг. Сар гаран барина. Нээх дургүй барина. Барьжээснааа нэг мэдэхэд барихаа болиод тарцан байна.  Төмрүүд сэрзийлгэснээ гадуур нь ногоон даавуугаар хучаад нуучна. Тэгээ л нэг тийм ногоон даавуун конус. Дотор нь паар байрлуулаад, нийтийн нойл юмуу цайны газар хийчүүл ашиглалт сайжрах юм даа гэж боддын. Тэхээр бас цонх хийх хэрэг гарчих байх даа. Цонхных нь хэрүүл  тэгээд сонин хэвлэл, НИТХ, УИХ гээд шийдэгдэхгүй хэдэн жил болно доо. АН нь гарч ирээд цонхгүй ёолк, МАН нь цонхтой ёолк гээд бүр лай болохым байна болий болий.
Харин хувийн компаниуд үүднийхээ ёолкыг мөн ч гавшгай засдаг сан. Юу ч хэлхүдэ энэ дээр, эзэнтэй газрын бүх юм л тийм.

Их хурал дээр гишүүд “муу хөлдүү толгой минь” гэж хэрэлдээд болоод байдаг байсан. Гэтэл цаг агаараас болж “чи муу малгайгүй” гэсэнтэй адил болоод хэрүүл нь зодоондоо хүрэх гээд байгаа гэнэ. Хөлдүү толгой ч яахав байдаг л. Малгайгүй байхдаа яахав дээ, доромжилцийн.

Найзтайгаа зүгээ юм ярьжаагаа л нэг харсан над руу гөлрөөд зогсчлоо. Тэгсэн ороолтны цаанаас гушуу нь хөдлөөд “нүд хөлдчлөө” гэж байна. Хоо гэжээж гэсгээгээд нүдий нь анивчууллаа. Том нүдтэй хүмүүст эрсдэлтэй байна шүү анхаараарай.
Харсаар байтал нэг тийм хөлдүү бөмбөлөг бөгсөндөө наасан хүмүүс мэр сэр алхаж байна лээ шүү. Тэр жил унгас хөлдөм хүйтэрч билээ гэсэн дурсамжтай л үлдэхийм даа бид. Дэндүү хүйтэн байнаа.
Одоо энэ хотын байшингууд ямар ч хөдөлгөөнгүй харагдаж байгаа биз дээ. Хөлдцөн ч юм билүү. Арай л хүйтэн байнаа t t t!.