Сан Пауло хот 20 сая орчим хүн амтай, Бразилын хамгийн их хүн амтай хот. Гуарульос буюу Гру гэдэг нэрээрээ алдартай олон улсын нисэх онгоцны буудал нь мөн л бразилдаа хамгийн том, хөл хөдөлгөөн ихтэй. Бразил орохоор бол голдуу Сан Пауло руу нислэгтэй.

Монголын хамгийн олон буюу 1.3 сая хэрэглэгчтэй Мобиком корпорацийн “цэнэглэ, тогло, хож” аяны хүрээнд, Бразил улсад зохиогдох хөлбөмбөгийн дэлхийн аварга шалгаруулах тэмцээнийг үзэхээр зургаан ялагчийн хамт Чингис хаан нисэх онгоцны буудлаас энэ сарын 10-ны өдөр хөдлөв.

Аргентин дахин сулхан хэсэг толгойлох болов. Европийн тэр олон хүчтэй багуудаас хоёр биш нэг баг, тэр дундаа Босни орж ирсэн нь хэсгийн чанарт нөлөөлсөн. 2006 онд Нигери эрхээ аваагүй бөгөөд Аргентин сүүлийн гурван дэлхийн аваргад Нигеритэй нэг хэсэгт орсон нь тун сонирхолтой. Энэ дэлхийн аваргын хамгийн сул хэсэг хэлчихэд нээх хол зөрөхгүй байх.

Европын энэ даруухан баг яагаад томчуудын урдуур орж хэсэг тэргүүлсэн бэ гэдэг асуулт сонирхол татах нь ойлгомжтой. Миний мэдэхээр Европын бүсээс хэсэг тэргүүлж буй хамгийн сул баг. 1998 онд хэсэг тэргүүлсэн Румын, Швейцараас хүчтэй байсан юм. Өөр тивээс 2006 онд Мексик хэсэг тэргүүлсэн байдаг ч, энэ жилийн Колумбаас хол илүү байсан юм.

Энэ жилийн Дэлхийн аваргад чансаа өндөр боловч дундаж гэсэн тодотголтой Колумб, Швейцар, Уругвай, Бельги хэсэг тэргүүлж байгаа нь, том багуудыг нэг хэсэгт овоолж, зарим хэсгийг сулхан болгож байгаа юм. Бельги, Колумби сүүлийн 2-3 аваргыг өнжсөн. Швейцар бүрэлдэхүүний хувьд хүчтэй биш. Харин Уругвай эдгээр дунджуудаас хамгийн сайн бүрэлдэхүүнтэй, хүчтэй нь.

Дэлхийн аваргад хоорондоо нэг ч тоглож байгаагүй, дэлхийн аваргад хамгийн амжилт муутай оролцсон багууд нэг хэсэгт орсон. Олон улсын хөлбөмбөгийн холбооны чансаа доголдолтой байдгийн нэг жишээ болж 1998 оноос хойш дэлхийн аваргын эрхээ авч чадаагүй Колумби хэсэг толгойлсон юм.