Хүмүүс ярьж байна. -Оюун-Эрдэний гэрт амьдарч байгаа юм шиг. Ямар ч эрх чөлөө алга. Зурагт ч үзэх аргагүй боллоо гэж. Харин би Монголд хамгийн том ажил олгогч болсон гэнэ. Хаа сайгүй л төлбөртэй тороол, цулам, ботууд. Намайг яриад эхлэхээр "ир, шалгуул" гэж дайруулдаг болж. Би тэр тухай төгсгөлд нь хариу өгнөө. Энэ удаа гурван зүйлд төвлөрч хэдэн үг хэлье.
Хүн төрөлхтөнд сүйрэл хамгийн их ойртсон жилээр 1962 он тодордог. Тэр жил "Кубын цөмийн хямрал" болж, цөмийн дайны аюул бодитой нүүрлэсэн цаг, минут тохиосон. Уг аюул холдсоноор хүн төрөлхтөн хотлоороо уужирч, дэлхий сүйрлийн цагаа 1963 онд 5 минутаар сунгаж байсан удаатай.
