Японы парламентын доод танхимын гишүүн асан, Сэтакаяа хотын дарга Нобуто Хосакатай ярилцлаа. Ахлах сургуульд байхаасаа ялгаатай үзэл бодолтой байхын хэцүүг амссан тэрбээр боловсролын салбараа шүүхэд өгч ялалт байгуулж байсан түүхтэй. Ярилцлагын үеэр орчуулагчаар ажилласан Tab Solution Co., Ltd-н маркетингийн менежер Жаргалсайханы Тамжидад баярлалаа.

58 дахь дугаараар Улаанбаатар хотын өмнө тулгамдсан олон асуудлын нэг боловч хүн болгоны барьж авахын хүсдэггүй сэдвийг хөндөж, нэвтрүүлгээ “Далан давхар” буюу Самбалхүндэв оршуулгын газраас бэлтгэлээ. Зочдоор “Буяны зан үйлийн холбоо”-ны тэргүүн Г.Идэрмаа, гэвш Б.Бат-Эрдэнэ, “Хөгжлийн бодлого, төлөвлөлтийн институт”-ийн захирал Л.Ану-Үжин, Улаанбаатар хотын Захирагчийн ажлын албаны Хог хаягдал, удирдлага зохицуулалтын хэлтсийн дарга С.Аригуун нарыг урьлаа.

Бизнесийн уламжлалт загвар хоцрогдон, цахим шилжилт эрчимжиж байна. Ковидын улмаас хүний нийгмийн бүхий л салбарт бүтээлч түйвээлт явагдаж байна. Харин Монголын бизнесүүд үүнд бэлэн байна уу? Энэ тухай MCS группын дэд ерөнхийлөгч Д.Энхтүвшин, АПУ ХК-ын гүйцэтгэх захирал Ц.Эрдэнэбилэг, Анд Глобал компанийн хөрөнгө оруулалт эрхэлсэн захирал Б.Хос-Эрдэнэ нартай ярилцлаа.

Манай нэвтрүүлгийн 52 дахь дугаар танд мульти форматаар хүрч байна. Цар тахлын эрсдлийн удирдлага, гадаадад гацсан Монголчуудын асуудлыг энэ дугаараар хөндлөө. Нэвтрүүлгийн зочдоор Улсын онцгой комиссын Шуурхай штабын дарга, хурандаа Б.Ууганбаяр, Гадаад Харилцааны Яамны Консулын газрын захирал Л.Мөнхтүшиг, Хүний эрх хамгаалагч Б.Болорсайхан, Хилийн чанад дахь Монголчуудын зөвлөлийн удирдах зөвлөлийн гишүүн Б.Энхгэрэл нар оролцлоо.

Синдикат ярилцлагын баг 42 дахь удаагийн дугаарын зочноор АНУ-ын цахиурын хөндий дэх Google компанийн төв оффист програм хангамжийн инженерээр ажиллаж буй Б.Баттулгыг урьж, “Аж үйлдвэрийн дөрөв дэх хувьсгал” сэдвээр ярилцлаа. Хэдий цаг бага байсан ч бид ярилцлагаараа математик, боловсрол, блокчэйн, хиймэл оюун ухаан, робот, машин сургах технологи, шинжлэх ухаан, квантум компьютер гээд олон сэдвийг хөндөхийг зорьлоо.

10 жилийн өмнөх блог бичвэр. Тухай үед Иргэний Зориг Намын 10 жилийн ойн ажлын хүрээнд энэхүү сэдэвтэй холбоотой эссэ бичлэгийн уралдаан зарласан байсныг цахим мэдээллийн хуудаснаас мэдсэн билээ. Нэг орой зав гаргаж байгаад блог дээрх бүх бичлэгээ эхнээс нь дуустал нь уншиж үзэнгээ энэхүү сэдэвтэй ойролцоо бичлэгүүдээ түүвэрлэн нэгтгэж эссэ болгоод уралдаан зохион байгуулагчид руу илгээсэн бөлгөө. Гэтэл өнгөрсөн амралтын өдөр гар утсанд минь Монголоос дуудлага ирж уг уралдаанд илгээсэн эссэ маань тэргүүнд байранд орсон тухай хэлэхэд баярлахаасаа илүү гайхсаныг хэлэх үү. Магадгүй аль нэг улс төрийн хүчин зохион байгуулж буй тул мундаг мундаг нийтлэл бичдэг, үзэл бодлоо хуваалцдаг хүмүүс нь энэхүү уралдаанд төдийлэн идэвхтэй ороогүй юм болов уу гэж бодов. Ямартаа ч уг уралдаанд илгээсэн түүвэр бичлэгээ блог дээрээ тавьж та бүхэнтэй үзэл бодлоо хуваалцахаар зэхлээ.