Яагаад атомууд ийм зүйлээс төвөгшөөдөггүй нь гайхалтай. Атомын төвшиндээ бол хүн байна гэдэг нь тийм ч буянт үйл биш л дээ. Үнэнийг хэлэхэд чиний биед байгаа атомууд өөрийг чинь төдийлөн ойшоодоггүй, тэр байтугай чамайг бүтээж байгаагаа ч мэддэггүй. Атом бол ямар ч оюун санаа гэх юмгүйн дээр угаасаа ч амьдралд зориулагдсан эд биш (Хэрвээ чиний биед байгаа бүх атомыг нэг нэгээр нь салган задалчих юм бол өмнө нь чамайг бүтээж байсан мөртөө амьд гэх тэмдэггүй атомын овоолго тоосонцор болно). Гэсэн ч амьд л байгаа цагт чинь тэд чамайг оршин байлгах гэсэн ганц л хатуу тэмүүлэлд захирагддаг юм.

Энэ удаа бид хүүхэд, багачуудадаа зориулан наадаг зурагтай ном эрхлэн гаргалаа. Энэхүү сонирхолтой номд 1000 орчим амьтны наадаг зургаас гадна төөрдөг байшин, өнгө, хээ тааруулах зэрэг чадвар хөгжүүлэх таавар, ухаан тэлэх тоглоомууд, мөн амьтдын тухай маш олон сонирхолтой мэдээлэл багтжээ.

Хүн бүхэн уншиж чаддаг боловч өдөр бүр ном тэврээд суух нь үгүй. Алба ч үгүй. Уншдаг хүмүүсийн дийлэнх нь уран зохиолд дуртай. Уран зохиолтой нөхөрлөвөл төсөөлөх чадвар нэмэгдэж, үгийн сан баяжиж, стресс арилж, ой тогтоолт сайжрахаас гадна бусдыг ойлгож сурдаг гэдэг. Нэг нийгэм нөгөөгөөр солигдож, зах зээлийн системд шилжих хүртэл монгол хүмүүс үзэл суртлын цензур давсан ном хэвлэл уншдаг байв. Ямартаа ч унших дадал тэр үеэс тогтсон юм. Өнөөдрийн монгол уншигчид сонирхлоороо олон бүлэгт хуваагддаг. Тэр бүхэнд зориулагдсан ном байж таарна. Бас хэн ч уншдаггүй ном байдаг. Сүхбаатарын талбайд 2023.05.26-28 өдөр зохион байгуулагдах Номын баярт оролцох НЭПКО хэвлэлийн газрын асрыг хамтдаа нэгжицгээе. ​​​​​​​​​​​​

Орчин үеийн зах зээлийн тогтолцооны онол, практик сэтгэлгээний тулгуур хоёр баганын нэг болсон төсвийн сангийн бодлогын утга учир нь нөгөө нэг багана болох мөнгө зээлийн бодлогын дутмаг талыг хэрхэн ямар арга механизмаар нөхөн гүйцээх учир начрыг дэлгэн харуулсан эл бүтээлийн олон улсын ач холбогдол зөвхөн онолын сэтгэлгээнд төдийгүй, практикт өргөн нэвтэрч хэрэглэгдэхэд оршино.

Монголын хэвлэлийн зах зээлд тэргүүлэгч Нэпко хэвлэлийн газар өргөн олон уншигчдын хүсэлт, шаардлагыг үндэслэн Монголын хамгийн олон уншигчтай цахим хуудсуудын нэг baabar.mn-д өөрийн булантай болж байгаадаа баяртай байна. Та бүхэн энэхүү буланд зочилсноор манай хэвлэлийн газраас гарч буй шинэ номын талаарх мэдээлэлтэй танилцаж байх юм.

Энэхүү ном нь үлгэрийн хэлбэрээр гол дүрийн охины бага насыг уран зөгнөлөөр дүүрэн, эгэл жирийн мэт боловч сэтгэл хөдөлгөм өсөн торниж байгаа тухай, том болох явцдаа баяр баясал, уйтгар гуниг, мухардал ба арчаагүй байдал, шаналал ба хүсэл мөрөөдөл, өршөөл наманчлал, түүнчлэн хорвоо ертөнцийн талаарх сониуч зан, эрэл хайгуул, амьтай бүхнийг хайрлах, өрөвдөх сэтгэл... гээд хүүхдийн оюун санааны ертөнц хэрхэн улам баяжиж байгаа тухай гарна.