Монголд сайхан дуулбал сонгодог хууль төрдөг. Уянгалаг хоолойноос төрсөн ухаалаг хууль, сайн барилдвал, зүйл заалтууд нь нэг бүрчлэн хэрэгжинэ. Бөө удган айж цочирдом цамнавал Австралд үер бууж, Хятадын импорт тэнгэрт хадаж, Монголын эдийн засаг 17 хувь өсдөг номтой. Сонгуулиуд манай хөгжил дуучин, бөх, бөө удгандаа оршдогийг нотлов.

Ер нь Манж Монголын шашин нэг, хэл заншил төстэйгөөс гадна гол нь нүүдэлч малчин угшил нь арай дотносгож байжээ гэх таамаг ургадаг. Монгол саахалт хөршийн хувьд Манжийн дагуул улс-холбоотон нь болж, буулт хийсэн нь эртний бүдүүлэг нөхцөлд цус асгаруулсан алалдаанаас зайлсхийсэн ухаалаг хувилбар болсноос урвалт биш гэж үзүүштэй.

Хөндөхөд эмзэг сэдэв тул олонтаа эргэж хургалаа. Ястнуудын үл ойлголцлыг хөндөх хүсүүштэй сэдэв биш.

Оросуудыг өмөөрөхдөө монголчууд галзуу. Яаж ч мэднэ. Тиймээс “Улаан орос” нийтлэлдээ би орос эрдэмтдийн судалгаа, орос алуурчдын тайлан, орос сонины зах цухаас эшэлбэл оросуудад үнэнч монголчууд тогтож хайрлаж юу магад агаад хал балгүй гэж болгоомжлов.