Төрийн ордонд эсэргүүцлийн тухлалт болсон тухай зурагтаар мэдээлж байна. Өвөрхангай аймагт болсон сонгуулийн дүнг хүлээн зөвшөөрөхгүй байгаа учраас арга буюу диван дээр суухдаа тулсан юм гэнэ. Хэсэг ахмад улс төрч буйдан дээр тухлаад янз бүрийн үг бүтээн тэрийгээ барьсан харагдана.

Шударга ёс дараа дараагаар ялж байна. Гар утасны яриаг минутаар биш секундээр тооцож төлбөр хийхээр болжээ. Энэ дашрамд гар утасны компаниудад баярлаж явдгаа хэлмээр байна. Гайхах хэрэггүй ээ.

Манай гишүүд хүний амь их аварч байгаа юм байхаа. Баянсэлэнгэ гишүүн гадаадад явж хүний амь авардаг болсон гэж дууллаа. Ээ дээ энэ улс төрчид үү, “маныгаа авраадахаач” гэж сонгохоор гадаадынхныг очиж авраад байх юм.

Өнгөрсөн тавдугаар сарын 21-нд бил үү, дэлхий сөнөх учиртай байв.

МАН-ын удирдагч нар Социнтернээс тусламж гуйсан нь тодорхой боллоо. Тэдний “Консулын бүлэг” гэдэг дээр болсон явдал. Мань МАН маань УИХ дээр бүлэг байгуулж чадаагүй болохоор гишүүд нь “Хүрээний” ба “Консулын” гэсэн хоёр нууц бүлгэмд хуваагдсан аж.

Ихэнх англичууд унтахдаа нүцгэлдэг. Харин тэдний ханхүү тоглоходоо шалдалдаг. Гэтэл сүйт бүсгүй нь аялахдаа нүцгэлдэг аж.Ирээдүйн хааныхаа гэр бүлийг шалдан байхыг харсан британичууд “нүцгэн хаант ёс”-ны эрин үе ирж байгаа юм байна гэж ухаарав болтой. Ингээд шинэ хаант ёсонд амьдрахад бэлдэн өөрснөө шалдалж эхэлсэн байна.