МАН-ын бүлгийнхний санааг зовоож байгаа зүйл нь Х.Булгантуяаг чөлөөлөх, чөлөөлөхгүйдээ биш. Хэрвээ Цэцийн дүгнэлтийг хүлээгээд авчихвал “Үндсэн хууль зөрчсөн” гэдгээр араас нь УИХ-ын гишүүнээс эргүүлэн татах асуудал яригдах гээд байна гэдэг айдас. Олон ч гишүүн энэ тухай ярьсан байна лээ. Энэ ч гэсэн УИХ-ын бүрэн эрхийн асуудал, МАН-ын бүлгийн асуудал биш. Үүнээс болоод УИХ дахиад Үндсэн хуулиа зөрчиж болохгүй. Энэ л АН-ын бүлгийн барьж байгаа зарчим..

МАН-ын генсекээс “Пропорциональ тогтолцоог оруулаад ирлээ гэхэд МАН-ын бүлгээрээ дэмжиж чадах уу?” гэж асуухад “Нам бол дэмжинэ. Гэхдээ УИХ-ын гишүүдийн кнопыг нам хянаж чадахгүй” гэж бултаж байна лээ. Боловсон хүчний бодлогоо барьдаг гол хүн нь ингэж ярьж болдог юм уу?

Хамтарсан Засгийн газар гээч нь үнэн хэрэгтээ өнгөрсөн сонгуулийн өмнө "Херо" Баатарын найруулан тавьж, Л.Оюун-Эрдэнэ гол дүрд нь тоглосон "С.Зоригийн хэрэг" хэмээх цувралын эмгэнэлт үргэлжлэл юм.

Эрүүл саруулаар бодоод үзвэл Д.Сумьяабазар нь яавч Яармаг руу нүүхгүй. Үлдсэн ганц боломж нь Э.Бат-Үүлийгээ УИХ-д оруулж ирээд 2013 онд УИХ-аар баталсан хотын шинэ төлөвлөлтийг хэрэгжүүлэх, хотын захиргааг Баянхошуунд нүүлгэх. Эзэн нь юмаа мэдэж, эрэг нь усаа хашдаг. Сонгиночуудад сонголт нь байна.

Манай Өнөрөө ч яах вэ, "Энэ хэргийг эцсийг нь хүртэл явна, заавал гаргаж авна. Хараарай" гэчихсэн дэвж л байна. Уг нь бол үүнийхээ оронд "Сонгуульд зориулж баталсан хуулиас чинь болж ингэлээ тэглээ" гэдгийг нь Хууль зүйн сайд Х.Нямбаатар болон хууль тогтоогч нарт хэлэх ёстой юм л даа.

ҮЗХ-ноос өгсөн үүрэг даалгаврын дагуу өчигдөр хуралдаж, Ерөнхий сайдад нэр дэвшигчээ гаргаж ирэх ёстой байсан Ардчилсан намын бүлэг хуралдаж чадсангүй. Учир нь тус нам доторх бүлэг фракциудын дотор энэ талаар ямар нэг тохироо, зөвшилцөл явсангүй.