Түгжрэлийг бууруулъя, хотоо хот шиг болгоё гэвэл нийслэлийн замыг татвартай, нийтийн эзэмшлийн зогсоолуудаа төлбөртэй болгоё. Энэ бол захиргааны ямар ч шийдвэрээс илүү үр дүнтэй арга зам.  

Үндсэн хуулийг ингэж уландаа гишгэх нь бүр эртнээс, зургаан жилийн өмнөөс зурчихсан зүй тогтол байж. Одоо бид энэ парламентаас юу ч хүлээх шаардлагагүй боллоо.

Цэцийн шийдвэрээр шалтаглаж Засгийн газрын гишүүдийг УИХ-аас нэмэгдүүлж болохгүй. Ядаж Үндсэн хуульдаа нэмэлт өөрчлөлт оруулах хүртэл одоогийн Засгийн газар бүрэлдэхүүнээрээ ажиллах бүрэн боломжтой.

Үндсэн хуулиа өөрчлөхийн тулд эхлээд Үндсэн хуулийг хулгайлж байгаа Цэцийг өөрчлөх ёстой болж байна. Хэрэв тэгэхгүй Үндсэн хуулийн цэц нь өөрөө Үндсэн хуулийнхаа дээр гарч суудаг, Үндсэн хуулиар олгогдсон хууль тогтоох эрх мэдлийг Цэц хэрэгжүүлдэг байдал жишиг болж тогтлоо.

М.Оюунчимэг гэдэг УИХ-ын гишүүний хэлсэн үг байгаа шүү дээ. Өчнөөн мөнгө зарж, сонгуулиа авлигалдаж суудал авдагаа өөрөө хэлсэн. Тэр ингэж зовж УИХ-ын гишүүн болж байхад хэн ч биш хэдэн нөхдүүд сайд болоод сууж байхаар уур хүрээд байна гэж ил цагаан хэлж байгаа юм. Ингэж ил цагаан хэлээгүй ч энэ үгийг бугшталаа дотроо хадгалсан хүмүүс парламент дотор сууж байна.

Сүүлийн жилүүдэд олон улсын нөхцөл байдал нарийн төвөгтэй болж байгаа явдал Хятад улсын гадаад бодлогод нөлөөлж, худалдаа, эдийн засгаа эрчимтэй сэргээх бодлого явуулж байгаа. Манай улсад хийж буй энэ удаагийн гишүүний айлчлал ч бас ийм зорилготой.